Йăлана кĕнĕ йĕркепе кăçал та Элпуçĕнчи пĕтĕмĕшле пĕлӱ паракан вăтам шкулта Чăваш чĕлхи эрнине ирттерме палăртрăмăр. Вăл ака уйăхĕн 25-мĕшĕнчен пуçласа 30-мĕшĕччен тăсăлĕ. Кăçал тĕнчипе паллă Юхма Мишши çыравçă 80 çул тултарчĕ. Юратнă та хисеплĕ Раиса Сарпи вара хăйĕ 65 çулне паллă турĕ. Çавна шута илсе чăваш чĕлхи эрнин ĕç йĕркине паллă çыравçăсен литературăри çул-йĕрĕпе çыхăнтарас терĕмĕр. Чăваш чĕлхи кунĕ вара, ака уйăхĕн 25-мĕшĕ, чăваш халăхне çутта кăларнă Иван Яковлевич Яковлев ячĕпе иртрĕ. Ачасем чăваш чĕлхи эрнин пĕрремĕш кунĕсенчех Ю.Мишшин повеçĕпе калавĕсене вулама тытăнĕç. Шкул ачисем Р.Сарпин тата Ю.Мишшин сăввисене вĕренĕç, пурнăçĕпе пултарулăхне шĕкĕлчĕç, произведенисем тăрăх инсценировкăсем, ребуссем, кроссвордсем, сюжетлă ӱкерчĕксем, презентацисем хатĕрлĕç. Хăшĕ-пĕрисем Р.Сарпи сăввисемпе кĕвĕленĕ юрăсене те шăрантарма вĕренĕç.

Чăваш чĕлхи эрни пирĕн шкулта тухăçлă иртессе шанас килет.