Кăçал Чăваш Патшалăх ял хуçалăх академийĕ пулас абитуриентсем  хушшинче пултарулăх конкурсĕсем йĕркелерĕ. Вĕсенчен пĕри – сăвă çыракансен «Сар ыраш хушшинче» ятлăскер пулчĕ. 11-мĕш класра  вĕренекен Катя Сербина тата Анжела Воронцова хутшăнчĕç унта. Палăртма кăмăллă: Анжелăн «Кĕрхи уйра» сăвви 1-мĕш вырăн йышăннă. Саламлатпăр!

     Кĕрхи уйра

Укăлча хыçне тухатăп

Сулхăн, уçă, лăпкă ир.

Таврана пăхса сăнатăп:

Умăмра кĕрхи уй-хир.

Уйăн сăнĕ халĕ урăх:

Кĕр аки пусси хура,

Юнашар, ав, калча уйĕ

Ешерет хăйне кура.

Тĕксĕмленнĕ сарă хăмăл,

Тĕссĕр çулçă теплере…

Хурланмасть ман уншăн  кăмăл,

Ылтăн тырă пÿлмере.

Уйăм-хирĕм питĕ ырă

Хăть çулла, хăть кĕркунне!

Вăл парнелĕ тулăх тырă

Тепĕр çул та çынсене.

           А.Воронцова, 11 кл.