Шкулта спортпа массăллă хÿтĕлев уйăхлăхĕ иртнĕ май, вĕренекенсем кашни ялти вăрçăра пуç хунисене асăнса лартнă обелисксене юртан хырса тасатрĕç. Иртнĕ кунсенче Ураскасси ялĕнчи ачасем те ял варринчи палăк патне кĕреçесемпе пухăнчĕç. Çак сăваплă вырăна шкул ачисем маларах та юртан тасатнăччĕ. Хальхинче 7-10 классенче вĕренекенсем – В.Смирнова, Г.Иванов, Л. Антонова, А.Гурьев, В.Гурьев, О.Федорова, А.Яковлева, В.Иванов хастарлăхпа палăрчĕç. Вĕсен ĕçчен аллисенче кĕреçесем выляса кăна тăчĕç.