Чăваш чĕлхипе литература эрнинче, Элпуçĕнчи вăтам шкулта Чăваш чĕлхи кунне халаланă савăнăçлă линейка иртрĕ. Линейкăна чăваш чĕлхипе литературине вĕрентекенĕ П.А.Никифоров уçрĕ. Петр Алексеевич вĕренекенсене тăван чĕлхене юратма тата хисеплеме чĕнсе каларĕ. Пурне те уяв ячĕпе ăшшăн саламларĕ.

     Шкулта 6- мĕш класра вĕренекенсем, пухăннисене «Савар, упрар, чĕлхемĕре» литературăпа музыка композицийĕпе савăнтарчĕç.

     Сăвă çыракансен конкурсĕн çĕнтеруçисем хăйсен сăввисемпе паллаштарчĕç.

     Чăваш чĕлхин малашлăхĕ пирĕнте. Çавăнпа та яланах хамăр тăван чĕлхемĕре упрар, ăна малалла аталантарассишĕн тăрăшса вĕренер.